Pedro, dormido e encadeado

Se, quando a nave de Pedro bordea os abismos, parecese que o piloto está a dormir ou que manobra temerariamente, non imos tremer. Para salvarmos as situacións máis perigosas, posuímos o medio seguro da oración, da que o santo sacrifício da Misa é o corazón.

O dito vem inspirado polos comentarios que se fan, en El año litúrgico, a festa dos Santos Apóstolos Pedro e Pablo.

Na Misa de hoje lese o relato que recolhem os Feitos dos Apóstolos, sobre o encadeamento e prison de Pedro por Herodes Agripa: Pedro no cárcere, dormido e encadeado.

Hoje também vemos a Pedro conducir a Igreja coma se estivese dormido e encadeado. Parece ignorar as estragas que a ameazam, e non é ja que a meta nas complicadas liortas políticas, sinón que mesmo a fai surfear em ondas que a empuxam a baixios doutrinais.

A pesares das chamadas á responsabilidade que alguns fan, non podemos ignorar as derrotas que alguns pastores proponhem, nem podemos deixar de oir o silencio da maioria deles. Somos ovellas, non borregos. Temos os pés no chan, olhos na cara e a cabeza enriba dos ombreiros. Non se pode negar o evidente, nem deixar de advertir os riscos. Veneramos ao Papa, o que significa que lhe oferecemos a nosa máxima consideración e respeto, porque non hai dignidade maior que a súa sobre a terra. Pero non temos por que sermos papiáns.

O relato dos Feitos continua, -como é conhecido-, explicando que a comunidade, numerosa, permanecia unida orando polo que parecia un imposible: a liberación do Apóstolo. Nós igual. Non somos nós quem para decidirmos os tempos ou os médios de arranchar o que non nos compete.  O que si nos corresponde é orar, com N.S. Jesus Cristo, no santo Sacrificio da Misa. E arranchar o noso.